గరుడ గమన రా రా నను నీ కరుణనేలుకోరా ..... రామా
పరమ పురుష ఏ వెరపు లేక నీ మరుగుజొచ్చితిని అరమర సేయక
గరుడ గమన రా రా నను నీ కరుణనేలుకోరా ..... రామా
పాలకడలి శయన దశరధబాల జలజనయన
పాలముంచినను నీట ముంచినా
నీ పాలబడితినిక జాలము సేయక
గరుడ గమన రా రా నను నీ కరుణనేలుకోరా ..... రామా
ఏల రావు స్వామీ నను ఇపుడేలుకోవదేమి
ఏలువాడవని చాల నమ్మితిని
ఏల రావు కరుణాలవాల హరి
గరుడ గమన రా రా నను నీ కరుణనేలుకోరా ..... రామా
ఇంత పంతమేలా భద్రగిరీశ వర కృపాలా
చింతలణచి శ్రీరామదాసుని అంతరంగపతివై రక్షింపుము
గరుడ గమన రారా నను నీ కరుణనేలుకోరా ..... రామా
పరమ పురుష ఏ వెరపు లేక నీ మరుగుజొచ్చితిని అరమర సేయక
గరుడ గమన రా రా నను నీ కరుణనేలుకోరా ..... రామా
భద్రాచల రామదాసు కీర్తన
రాగం : పంతువరాళి
రామదాసు గారి కృతులు కొన్నే తెలుసు చాలామందికి. ఆయన రాసిన కొన్ని అపురూపమైన పాటలు ప్రాచుర్యంలో లేవు. ఈ పాట నిత్య సంతోషిణి, ఎస్.పి.బాలసుబ్రమణ్యం పాడగా విన్నాను. రెండూ నచ్చలేదు. ఎస్.పి అయితే మరీ సినిమా పాటలానే పాడాడు. మా అమ్మమ్మ పాడిందే బావుంది.
1 comment:
U may like this song sing by O.S.Arun. plz visit here
http://in.youtube.com/watch?v=EZGgDdLJt7w
Post a Comment