Thursday, December 6, 2007

నీ మౌనం

నీ మాటలతో పెదవులపై దరహాసం
నీ తలపులతో బుగ్గల్లో సిగ్గు దొంతరలు
నిన్ను చూడగానే నాలో కలిగే అలజడి
నీ మనసుకు ఇంకా అర్థం కానివా?
మరి ఎందుకు ఈ శీతకన్ను నేస్తం
నీ మౌనం నాకు మరణంతో సమానం

సప్తపది

నిన్నటిదాకా ప్రతి విషయంలో ముందు ఉండాలనే ఆరాటం
ఈ రోజెందుకీ కొత్త ఆలోచన?
నీ వెనక నడవాలనీ
నీ అడుగులో అడుగు వేస్తూ జీవితాంతం గడపాలనే ఉబలాటం

ఉనికి

ఇప్పుడిప్పుడే తెలుస్తోంది నా ఉనికికి అర్థం
నా ఊహలన్నీ రూపుదిద్దుకున్న నీకోసం నేనని .....
నీ జీవితపు కరదీపిక నేనేనని.
నీ మీద సముద్రమంత ప్రేమ కలుగుతుంటే
ఉప్పెనలా కోపం కూడా వస్తోంది
ఇన్ని వసంతాలు వృథా ఎందుకు చేశావు నేస్తం
నీతో కలసిన జీవితం అరక్షణం తగ్గినా ఊరుకోనంటోంది హృదయం