Saturday, January 5, 2008

రేపటికి నిన్న ఏమౌతుంది?

కొత్త సంవత్సరంలో కొత్త పోస్ట్.

సెలవులైపోయాయి. ఏంటో! వీటి కోసం ఎదురు చూసినంత సేపు పట్టదు అయిఫోవటానికి. ఇలా వస్తాయి. అయిపోతున్నాయి అనుకునేలోపు అయిపోతాయి. అసలా సెలవలు కూడా అయిపోతున్నాయి అని దిగులుపడుతూ ఉండటంలోనే గడిచిపోతాయి. అసలు సెలవు రోజుల్లోనైనా రోజుకి ఒక 48గంటలు పెట్టచ్చుగా దేవుడు, ఎంచక్కా. సెలవుల్లో పాత స్నేహితులని కలుసుకోవటం, కబుర్లు చెప్పుకోవటం బానే ఉంది కానీ బుగ్గలు ఇంకా నొప్పెడుతున్నాయి, కబుర్లు చెప్పుకుని, ఆ కబుర్లకి నవ్వుకుని. చిన్నప్పటి రోజులు నిజంగా మధురాలు. అసలు నిన్న అన్నది ఎప్పుడు మధురమే. "నిన్న"లో ఎన్ని కష్టాలున్నా, ఆ రోజు ఆ కష్టాలు భరించలేనివి అనిపించినా "రేపు"లో అవి మధురంగానే ఉంటాయి. ఓల్డ్ ఈజ్ గోల్డ్ అని అందుకే అంటారేమో. అందుకే నిన్నటి సినిమాలు అప్పుడు ఫట్టుమన్నా ఇప్పుడు ఆహా ఓహో అని కళ్ళు తిప్పకుండా చూస్తున్నాము. కానీ ఈ లెక్క ఎందుకో నాకు నచ్చలేదు. మరి ఇదే ఫార్ములా కరెక్ట్ అయితే రేపు పోకిరి కూడా "ఆణిముత్యం" అవుతుందేమో. :O

కొసమెరుపేంటంటే ఇదివరకు నాకొక నమ్మకం ఉండేది. సంవత్సరం మొదటిరోజు ఏది చేస్తే సంవత్సరం అంతా అదే చేస్తామని. అందుకే చిన్నప్పుడు జనవరి ఫస్ట్‌న, ఉగాది రోజు కష్టపడి పుస్తకంలో ఒక పేజీలో ఒక లైన్ అన్నా చదివేదాన్ని. సంవత్సరం అంతా చదువుతానని. పరీక్షలకి పదిరోజులు ముందు తప్ప పుస్తకం తీసిన గుర్తు ఎప్పుడు లేదు. అది వేరే విషయం. అదే లెక్కన కొత్త సంవత్సరంలో మొదటిరోజు డబ్బులు ఓడిపోతే ఇంక సంవత్సరం అంతా అలా ఓడిపోతూనే ఉంటాం అన్న సూత్రం నమ్మి ఆరోజు కాస్త జాగ్రత్తగా ఉందాం అని ట్రై చేసేదాన్ని. (డబ్బులు ఖర్చుపెట్టటం ఓడిపోవటం కింద రాదు అన్న విషయం గమనించాలి, రెంటిలోనూ డబ్బు లాస్ అయినా సరే. :P) కానీ మొన్న ఇదొక మూఢనమ్మకం. ఇకనించి నమ్మకూడదు అని నిర్ణయించేసుకుని మొన్న న్యూ ఇయర్స్ ఈవ్‌కి $40 పెట్టి $5 సంపాదించాను. మరి అది మూఢనమ్మకమో కాదో ఈ సంవత్సరం కాష్ ఇన్‌ఫ్లో ఔట్‌ఫ్లో బట్టి వచ్చే సంవత్సరం చెప్తాను. :p

4 comments:

Radhika said...

monna! simple! :P

I can relate myself to your post so much!.
chinnappuDu nEnu kuuDaa jan 1 & ugaadi rOjullO enta aaTa, haDaaviDi unnaa, oka page ainaa chadivEdaanni :-))))
lEdanTE maa amma bhayapeTTEsEdi, chaduvu raadu phO! anii. :))

nice post.

btw, mee blog ki linkanaa?

పద్మ said...

anukunnaanandoy!!! :p ilaa anestaarani.

Sure. :) linkandi. Thanks so much.

naaku okkosaari pagalantaa gurtu undedi kaadu. amma gurtu chesinaa idigo chaduvutaa adigo adayyaaka chaduvutaa anesi malli naa hadavidilo padipoyedaanni. saayantram ayyesariki konchem tension modalayyedi. okkosari evening evaro okaru vachi aa gurtochindi kuda marchipoyedanni. inka ratri padukunnaka gurtoste appudu lechi light vesukuni oka page chadivina rojulunnaayi. amma emo podduna snanam chesi devudiki dannam pettukuni appudu chadavaali kaanee ee artharatri ankamma sivaalentani titlu. :)))))

Beebhatsudu said...

Emee avvadu, inkaa 'repu' anedi raledu kadaa, vachinappudu choosukundaam! :P

Nenaite new year vaste ugadiki, ugadi vaste malli new year ki postpone chesukuntoo undevaanni aa chadive vishayam...."undiga september march paina, vaayidaa paddhatundi denikainaa" type lo - anduke manchi markulato pass ayyi distinction vachinattundi! :-))

పద్మ said...

Distinction anTE mee school lO 33% aa? :p