హిపోక్రసీ అంటే?

చేసేవి చేస్తూనే అబ్బే నేనెక్కడ చేశాను అని అవతలివాళ్ళని నమ్మించే ప్రయత్నమేనా హిపోక్రసీ? అలా చేసేవాళ్ళందర్నీ హిపోక్రాట్స్ అనవచ్చా? ఏమో. తెల్లవారి లేచినది మొదలు ముసుగు వేయని మనిషొకరు కనిపిస్తారేమో అని ఆశించటం క్రమక్రమంగా ఎడారిలో ఎండమావి అవుతోందేమో. ముసుగు వెయ్యద్దు మనసు మీద (చాలా కష్టపడ్డాక ఈ పాటలో ఈ ఒక్క ముక్క అర్థం అయింది నాకు) ఏమో కానీ అవతలివారి మొహానికి ముసుగు, కళ్ళకి గంతలు చాలా ఈజీగా వేసేస్తున్నారు. నాకొక అనుమానం. ఇలా ముసుగులేసుకునేవారికి, వేసేవారికి ఆత్మ అనేది ఉండదా? కనీసం వారికి వారు ఎలా సమాధానం చెప్పుకుంటారు? ఇది ఇంకొక అర్థం కాని ప్రశ్న. ఇది ఆలోచించేకన్నా ఆఫీసు పని చేసుకోవటం సులువేమో. అది కొంచెం అర్థం అవుతుంది. :)